10.02.03_ACTUALIZACIÓN DE ALBUMS DE FOTOS

Xa están no blogue, na columna da esquerda, as fotos das dúas últimas marchas as que asistimos, a das Neves e a de Ponteareas.

Ah!, por certo, a ver si procurades non cair o chan vos, nin tirar a ninguén, cando haxa un fotógrafo diante!

Recomendable botarlle un ollo as fotos da marcha de As Neves xa que se nota que o fotógrafo era profesional, son moi moi boas.

Saúdos!

10.02.09_ASEMBLEA PARA ORGANIZAR A MARCHA

Queda convocada para o MARTES día 09 de FEBREIRO de 2010 a primeira reunión para a organización da IX MARCHA BTT FARO DE BUDIÑO calendada o DOMINGO 11 de ABRIL de 2010.
Este é un chamamento a todos os membros do equipo, xa que o se tratar da primeira reunión conxunta que se faga sobre a organización da marcha de este ano é obligatoria a asistencia de todos os compoñentes do equipo co fin de repartir da mellor forma posible os traballos a realizar.
Como tema único da reunión tratarase o calendario de actividades a realizar dende a data ata o día da marcha.
Recordamos que as saídas conxuntas seguen a ser todos os DOMINGOS pola mañá, sendo a hora de saída ás 9.30. Rógase puntualidade.

Sen mais recibide un cordial saúdo, e vémonos o martes próximo.

10.01.19_CREACIÓN DO CALENDARIO DE MARCHAS 2010

Vense de crear no blogue o CALENARIO DE MARCHAS BTT para a presente tempada 2009_2010.

Como ben sabedes todos xa se celebrou o día 10 de Xaneiro a XVII marcha CAMIÑO DO REQUESÓN nas NEVES, a que asistiu un nutrido grupo de compoñentes do equipo.

A próxima cita vainos levar de novo a terras cercanas, ou sexa, a marchas organizadas por compañeiros de equipos veciños, co cal se fai un novo chamamento a todos os compoñentes do equipo para que a asistencia sexa o mais xenerosa posible.

Desta volta toca PONTEAREAS, ca VII MARCHA DAS ROSQUILLAS.

Tedes mais información na súa páxina web www.adcpicarana.com , pero a inscripción haina que ir facendo canto antes xa que está limitada a 600 participantes.

Animádevos a asistir a pesares da coincidencia coas festas do SAN BRAIS.

O calendario iráse actualizando puntualmente.

1ª RUTA DE SENDEIRISMO DA ASOCIACIÓN DEPORTIVA

A ASOCIACIÓN DEPORTIVA A FORNA está traballando na apertura da primeira RUTA DE SENDEIRISMO que se vai a crear en BUDIÑO.
A súa inauguración está programada para o día 11 do vindeiro mes de ABRIL do 2010, coincidindo coa IX BTT FARO DE BUDIÑO.
Este ano, coa intención de ir mellorando a nosa marcha, imos a organizar unha andaina paralela para os acompañantes dos BTTteiros.
Xa se irá colgando máis información sobre a mesma en datas posteriores, pero polo momento clicando no título desta nova, ou no seguinte enlace, tedes un anticipo gráfico da mesma.

http://picasaweb.google.es/budinobike/091208_RutaSendeirismo#slideshow/5413003075577608274

BOCETO DO CARTEL DA MARCHA 2010

Xa estamos a traballar na vindeira edición da nosa marcha.

E xa vai pola novena!!! nada mais e nada menos.

Aquí tedes un anticipo do que vai a ser o cartel da mesma para ir abrindo apetito.

09.12.04-08_ULTIMOS DÍAS PARA RENOVAR A FICHA

Tras a última reunión realizada para clarexar o tema das fichaxes para a presente tempada, anunciar os actuais ciclistas do equipo que non asistiron á mesma, que nesta ponte que se achega, deben poñerse en contacto co Presidente, tanto no móvil do clube, coma no seu persoal (651413204) para firmar o impreso a entregar na federación e facer efectivo o pago da cuota anual de socio (20€) e da parte correspondente o ciclista para o pago da ficha (40€).

Sen mais, enviar un cordial saúdo a todos!

09.11.28_REUNIÓN PARA AS FICHAXES

O Sabado 28 de Novembro, ás 20.00 horas, no Centro Cultural A FORNA de Budiño, terá lugar a reunión con todos os ciclistas que xa formaban parte do equipo na pasada tempada 2008_2009, así como con toda a xente interesada en pasar a ser membro do mesmo na vindeira tempada 2009_2010.

Os requerimentos para poder ser membro do budiñobike-canteiros xa os tedes en unha das novas anteriormente publicadas. A estas, este ano sumarase a de ter que abonar o custo de dúas anualidades de socio e ficha para as novas incorporacións do equipo.
Os xa federados na pasada campaña so terán que firmar o impreso de renovación de ficha confirmando os datos xa existentes na federación.
As novas incorporacións deben traer unha copia do seu Documento de Identidade ademais de cubrir o modelo de novas incorporacións.
Dende a Directiva do equipo rógase a total asistencia dos interesados para deixar este tema zanxado este mesmo día coa fin de ter as licenzas o antes posible para que non se repitan problemas nas inscricións das primeiras marchas do ano de tempadas anteriores.
O mesmo tempo rógase máxima puntualidade xa que no mesmo Centro Cultural se vai a celebrar o III Serán da Forna a partires das 21.30 do mesmo día polo que debemos abandonar as dependencias que ocupemos ás 21.00 horas.

Sen mais, saúdavos atentamente,

O presi.

09.11.15_09.12.31_ÉPOCA DE FICHAXES

Xa temos nas nosas máns os impresos que hai que entregar na Federación Galega de Ciclismo para a solicitude de ficha para o vindeiro ano 2010.

En breve convocaráse unha reunión con toda a xente do equipo para pechar o capítulo de renovacións e cos interesados en fichar para a vindeira tempada.

A xente que xa estivo federada coa Asociación Deportiva A FORNA_budiñobike-canteiros o ano pasado so ten que confirmar que os datos que a federación ten están actualizados e a renovación da ficha será inmediata.

Pola contra as novas fichaxes terán que traer unha copia do seu Documento de Identidade e cubrir o impreso de solicitude de ficha. Ademais terá que entregar cuberto, con posterioridade, a ficha médica que se lle entregará, requerida pola Federación.

As condicións de fichaxe para este ano expliacaránse na propia reunión, pero non diferirán demasiado das do ano pasado.

Como recordatorio deixámolas aqui para que todos as poidades consultar:

1_ Facer efectivo o pago da cuota anual de Socio da Asociación Deportiva A FORNA: 20,00 €

2_ Facer efectivo o pago da parte proporcional da ficha correspondente o ciclista (2/3): 40,00 € para cicloturistas.

3_ Facerse a lo menos con unha equipación oficial do budiñobike-canteiros:30,00 € a equipación de verán (culote e maiot curto) e/ou 50,00 € a equipación de inverno (culote longo e chaquetiña)

(recordade que este ano se está a traballar no maiot longo)

4_ Saír o maior número de veces posible os Domingos pola mañá co resto do grupo.

5_ Colaboración en todo o relacionado coa BTT FARO DE BUDIÑO (apertura e marcaxe do circuíto e traballos a realizar no propio dia da marcha)

Sen mais, e animándovos a participar e facer mais grande o grupo de compañeiros que formamos o BUDIÑOBIKE-CANTEIROS, saúdavos atentamente,

O Presidente, Carlos Amil.

Actualización dos Albums de Fotos

Boas amigos.
Sei que estabádes desexosos de ver a valiosa documentación gráfica existente sobre a viaxe do equipo, pois finalmente aquí está!!!. As imaxes descargadas da cámara non pasaron censura algunha e foron subidas directamente, co cal tedes imaxes sobre todas as aventuras vividas, estivésemos nós enriba da bici, ou ela enriba nosa.
Por certo, se alguén ten mais imaxes que se poña en contacto co presi para poder subilas aquí tamén.
O mesmo tempo tamén se creou o album relativo a Xuntanza final de tempada. Só hai imaxes da saída en bici, pero tampouco teñen desperdicio, botádelle un ollo.
E como a nova tempada está a comenzar, e a xente xa se está animando a acudir ás marchas que comezan a salpicar o calendario anual, ahí van imaxes de dúas das primeiras saídas as que acudiron membros do noso grupo.

VIAXE DO EQUIPO TEMPADA 2008_2009

Recordade que na última reunión realizada con todos os membros do equipo estableceuse LOBIOS como destino da VIAXE ANUAL DO EQUIPO.

Temos como data límite para confirmar con exactitude o número de persoas que van a asistir o 18 de SETEMBRO, o día da reunión do equipo, co cal xa podedes ir facendo as xestións e negociacións pertinentes para non perder este estupendo evento.

Recordade que poden asistir todos os compoñentes do equipo e levar consigo un acompañante. No caso de que queirades levar os ananos consultade as distintas posibilidades existentes con algúen da directiva.

O clube vai a subvencionar a estancia en media pensión dos ciclistas do clube, tendo que aboar eles mesmos os gastos que se desprendan da viaxe do acompañante.

No caso dos nenos, como se mencionou antes, veremos de facer algo intermedio.

Dependendo do número de asistentes finais verase ademais a posibilidade de subvencionar parte do desplazamento.

O destino vai a ser o concello de LOBIOS, en OURENSE, pretiño do PARQUE NACIONAL DA PENEDA-GERÉS.

A saída está prevista para A MAÑÁ do SÁBADO día 10 de OUTUBRO e a volta para a TARDE do LUNS 12. Recordade que este último día é festivo, co cal dispoñemos de unha fin de semana longa para poder ir con calma.

Está previsto facer DÚAS RUTAS en BICI, nas mañás do DOMINGO e do LUNS.

O resto do tempo terémolo para coñecer o precioso entorno que rodea o concello de LOBIOS.

Animádevos, falade coa vosa parella, e que comece a soar o teléfono do equipo o antes posible, recordade que o día 15 é a data límite para lle notificar os do hotel cantos imos a ser.

Por certo, aqui vos queda o enlace coa páxina do mesmo para que lle poidades botar un ollo as instalacións. http://www.lusitanohotel.com/

http://www.lobios.org/ é a páxina do concello na que podedes ter un adianto do que nos espera en LOBIOS.

09.09.18_REUNIÓN COMEZO DE TEMPADA

O vindeiro venres día 18 de Setembro, ás 21.30 horas, celebraráse a REUNIÓN COMEZO DE TEMPADA 2009_2010 no Centro Cultural A FORNA.

Están convocados a mesma todos os actuais compoñentes do equipo, ademais dos interesados en formar parte do mesmo, xa que se van a tratar temas fundamentais para a organización da vindeira tempada.

A continuación indícanse algúns dos mesmos.

1_ Presuposto.

2_ Datas clave na tempada; marcha, viaxe, asemblea, resto de actividades...

3_ Novas fichaxes.

4_ Reposición de equipaxes.

5_ Solicitude de subvencións.

En resumo, vaise a dar un vistazo xeral a organización de toda a tempada, co cal se fai necesaria a asistencia e colaboración de toda a xente implicada co equipo.

Fundamental tamén vir cargados de ideas e novas propostas.

CALENDARIOS ACTUALIZADOS!!!

Se non vos fixastes, destacar que xa está actualizado o calendario de marchas. Hai varias saídas neste final de agostos e principios de setembro. Hai que comezar a subir a bici de novo que a tempada 2009_2010 está a piques de comenzar e haise que ir poñendo en forma.

Á partir de esta tempada disporemos ademais, tanto a nivel informativo para os compoñentes do clube, como para abrir apetito os que se estén decidino a federarse nun grupo activo de BBTeiros, dun novo calendario onde se van a ir poñendo as actividades que desenrole o equipo ó longo do ano. Xa están as últimas da tempada 2008_2009 e as primeiras da 2009_2010.

09.09.04_I QUEDADA NOCTURNA BUDIÑOBIKE-CANTEIROS

O Venres 4 de Setembro de 2009 terá lugar en Budiño, O Porriño, a I QUEDADA NOCTURNA BUDIÑOBIKE-CANTEIROS.

A saída da mesma terá lugar ás 22.00 horas dende o Centro Cultural A FORNA.

Quedan invitados todos os BTTeiros que desexen asistir, primordialmente os do equipo.

Recordade que non se trata de unha marcha organizada se non de unha quedada, co cal o equipo convocante non se vai a responsabilizar de ningún contratempo que puidese ocurrir ó longo do transcurso da ruta, cadaquén vai a ser responsable dos seus actos en todo o momento.

Animádevos a vir, será unha experiencia única, esperamos a vosa asistencia.

Xuntanza Final de Tempada

Este vindeiro Domingo día 19 de Xullo celebrarase a XUNTANZA FINAL DE TEMPADA para todos os membros do equipo en BAIONA.

A idea é que nos reunamos todos na explanada da entrada do Camping Baiona Praia ás 9.00 horas para sair a facer unha ruta ás 9.30 polos montes dos arredores de Baiona, zonas de Belesar, Baíña, etc. Estaríamos de volta sobre as 13.30 horas para nos duchar e irnos a comer coas parellas. Despois de encher o estómago toca tomar o sol, ir a praia, ou si se terma botar a partida.

Esperamos que asista todo o mundo xa que se considera este evento o último en grupo da tempada e hai que atar lazos para as vacacións.

Animádevos e confirmade a vosa presenza antes do Venres ás 14.00 horas xa que hai que reservar a comida.

Avisade no mail ou no móvil do equipo.

Videos da VIII MARCHA BTT FARO DE BUDIÑO

E se botades de menos aquelas baixadiñas, xa podedes rememorar os descensos das trialeiras da marcha de Budiño nos 7 videos das mesmas que hai colgados en internet, http://www.youtube.com/watch?v=ZHm6-2kNIyw, por xentileza de Roberto Teijeira.

Fotos da VIII Marcha BTT Faro de Budiño 2009

Esta é unha parte das fotos que tomamos na marcha do pasado domingo, a outra parte podes velas na web da Asociación Cultural A Forna.

Agradecemento dende a Organización da VIII BTT FARO DE BUDIÑO 2009

Dende a directiva do equipo organizador da VIII MARCHA BTT FARO DE BUDIÑO, e visto o éxito que supuxo esta edición do 2009, só nos queda agradecer e felicitar a todos os que fixeron posible que a nosa marcha siga medrando ano a ano.
Patrocinador do Equipo, Canteiros do Porriño, Empresas colaboradoras, Policías Locais de Porriño e Salceda de caselas, Protección Civil, Garda Civil de Tráfico, Cruz Vermella, Comunidade de Montes en man común de Budiño, Asociación Cultural A Forna, Cafetería do Centro Cultural, Voluntarios da Parroquia e Membros da Asociación Deportiva A Forna _ budiñobike-canteiros, GRAZAS A TODOS.
E por suposto, enviar un abrazo enorme a todos os participantes na proba. Este ano batimos todos os récords de asistencia con arredor de 300 ciclistas.
Sinalar que todo discorreu con normalidade xa que non houbo ningún incidente de gravidade, e esperar que teñades disfrutado tanto desta festa da BTT coma o fixemos nos.
Vémonos na IX edición, na que xa estamos a traballar.
En breve colgaremos as fotos e videos.

Presentación do equipo

O pasado xoves 5 de marzo fixo a presentación en público o noso equipo, budiñobike-canteiros.

O acto de presentación, que se realizou no salón de actos da Asociación Cultural A Forna de Budiño, contou coa presenza de Raúl Francés, Alcalde do Porriño, Marcos Rodríguez, Concelleiro de Deportes, Mirian Martínez, concelleira da Parroquia de Budiño. Asistiron tamén Marcelino Martínez e Alfredo Pérez como representantes da empresa patrocinadora, Canteiros Reunidos do Porriño. O acto contou tamén coa presenza dos ciclistas do equipo e de representantes de asociacións da Parroquia e equipos ciclistas da comarca.

O Presidente do equipo, Carlos Amil, realizou un breve resumo do percorrido realizado ata a data para que o equipo chegase a este punto de partida, mostrou o agradecemento tanto ós patrocinadores do equipo pola colaboración e axuda desinteresada no nacemento do equipo así como aos representantes municipais polo apoio mostrado no pasado recente e mostrouse confiado na existencia dunha estreita colaboración de cara o futuro.

Posteriormente tomou a palabra o presidente de Canteiros Reunidos do Porriño, Marcelino Martínez, quen se mostrou satisfeito do nacemento deste novo club de ciclismo na Parroquia de Budiño e de colaborar tanto na súa creación como no seu funcionamento posterior. É importante que as empresas desta parroquia colaboren co bo funcionamento de deporte e da cultura que están a desenvolverse en Budiño, dixo Marcelino Martínez.

Pechou o acto Raúl Francés, quen se mostrou seguro do bo funcionamento do equipo, apostou en que o Concello mantería unha estreita colaboración co mesmo e confiou en que a ampliación das seccións deportivas da Asociación foran un feito a curto prazo. Aproveitou o acto para reclamar a inclusión de mulleres neste equipo como mostra do avance real da presenza da muller en tódalas actividades que se desenvolven no noso Concello.

Novo equipo BTT en Budiño

budiñobike-canteiros

Co 2009 nace un novo equipo BTT na parroquia de Budiño.

A idea parte da Asociación Deportiva A Forna na que tódolos membros da Xunta Directiva son practicantes de bici na montaña. A celebración da VIII Marcha BTT Faro de Budiño acelerou o seu nacemento e funcionamento.

O equipo xa está legalmente constituído e conta na actualidade con 20 ciclistas que participan nas marchas BTT que están celebrándose dende principios de ano: XVI Marcha do Requesón (As Neves) e a XXV Marcha da Rosquilla (Ponteareas).

Se os proveedores de material deportivo o permiten, as previsións están calculadas para que a participación na XIV Marcha dos Callos, que se vai a celebrar o 15 de febreiro no Porriño, poida facerse a presentación oficial do equipo nun evento desta especialidade.

Nalgunha data próxima realizarase a presentación oficial en sociedade ante a prensa e autoridades políticas e deportivas do Porriño. Daremos conta puntual da celebración dese acto.

O porque deste nome deportivo? Quizás non hai moito que contar. Budiño é a parroquia, bicicletas é o que utilizamos para practicar este deporte e ...

Este equipo está aberto á entrada de máis deportistas? Si, pero hai que reunir algunhas condicións previas: Practicante da bicicleta de montaña, saír con certa regularidade ao monte co grupo, compromiso de permanencia no club, facerse socio da Asociación Deportiva A Forna, solicitar a entrada no equipo e cumplir certos compromisos económicos. A Xunta Directiva decidirá sobre a admisión final.