budiñobike-canteiros

PATROCINADORES FURGO

2011-11-18T16:23:00.002+01:00

Esta semana enviáronse a GRUPO IBER os datos dos 5 primeiros patrocinadores que se van colocar na furgo. En breve recibiremos o deseño definitivo dos mesmos e enviaránse as empresas para que lle den o seu visto bó. Logo xa irán directamente a impresión para proceder a rotulación definitiva na furgo.
Dende a directiva do equipo non hai mais que palabras de agradecemento para estas empresas que neste momentos economicamente tan difíciles nos prestan a súa colaboración.
Agora mesmo son xa cinco, pero esperamos que en breve sexan moitas mais.
En isto nós, os membros do equipo, temos inda moito que dicir aportando o noso grao de area facendo chegar a posibilidade de patrocinio as empresas que cada quen temos de man. Non o deixedes de lado, e esperamos encher a furgo de publicidades canto antes.
Parabéns a todos!

11.11.19_XENTE CON XENTE

2011-11-18T16:21:00.003+01:00

Este Sábado 19 de Novembro imos sair finalmente na TVG campañeiros!
Xente con Xente é un programa que recorre distintos lugares da nosa terra contando historias que estes sitios teñen en común. Este Sábado, falando das canteiras, pasaránse por budiño, e como non podía ser de outra maneira, o budiñobike-canteiros vaivos facer de guías para que coñezades a nosa parroquia montados en bici.
Non volo perdades!

Tramos do Rally

2011-10-10T17:44:00.003+02:00

O vindeiro 12 de Outubro, mércores, coincidindo co festivo este, imos a sair ó monte a probar o sistema de cronometraxe do Rally " in situ ", así que se roga asistencia dos ciclistas do clube para utilizalos como coelliños de indias, jeje.

Proba do Sistema de Cronometraxe do Rally.

2011-10-10T17:42:00.002+02:00

O luns día 10 de Outubro, ás 20.30, Na Forna, ímonos reunir Javi 2, Suso Dacosta e mais Carlos para comprobar o funcionamento do programa de cronometraxe do Rally. Se hai algún curioso que tamén queira fozar pódese achegar tamén.

LIMPEZA TRAMOS RALLY

2011-10-05T17:04:00.004+02:00

A partires de este vindeiro Sábado, día 8 de Outubro, quedaremos para proceder a limpeza dos tramos do Rally. Como sempre faremos dous turnos para que non haxa opción a escaqueos, jajaja. O primeiro será de 9.30 a 13.30 e o segundo de 15.30 a 19.30. Quedaremos na forna, rógase asistencia e puntualidade.

Toda a información sobre o Rally xa se atopa na nosa web http://bretema.uvigo.es/adaforna.htm

PRIMEIRAS BTT DA TEMPORADA

2011-10-03T12:00:00.002+02:00

A ver xentiña do equipo, xa estamos de volta coa nova temporada que acabamos de estrenar, a 2011_2012. Aquí vai un calendario inicial das marchas que vai haber nas proximas fins de semana:

Domingo 9 Outubro_ I QUEDADA BTT NOSA TERRA en Pereiras.
Domingo 9 Outubro_ I ENDURO A.D.C. PICARAÑA en Ponteareas.

Domingo 16 Outubro_ IV MARCHA BTT RAIÑA ARAGONTA en Salceda.

Domingo 23 Outubro_ II BTT RUEIROS en Oliveira, Ponteareas.

Domingo 30 Outubro_ I MARCHA BTT AMES, cerca de Santiago.

Domingo 6 Novembro_ I RALLY BTT FARO DE BUDIÑO (toca organizar, así que os que non destes señales de vida ide aparecendo!)

Domingo 13 Novembro_ BTT NIGRÁN.

Domingo 20 Novembro_ BTT ARCOS VALDEVÉZ, Portugal.

11.08.27_Quedada para rematar a rotulación da Furgo.

2011-08-25T10:54:00.002+02:00

Como xa ben sabedes todos, durante esta última semana a furgo estivo en un taller en Porriño para pintar coas cores do equipo, segundo o deseño concretado polo prestixioso estudo"Magenta".
Javi 2, Jorge 2, Facu, Jorge 1 e Carlos estiveron desmontando pezas, lavando, lijando (de rascar con lija), empapelando, etc, etc... duramente para que os gastos para o equipo por este traballo fosen os menos posibles.
O Xoves pola tarde os traballos de pintado estarán rematados, se ben por dentro e por fora a furgo está un chisco desmontada, circunstancia que aproveitaremos para darlle unha limpeza profunda por dentro xa que o sacar pezas saíu borrallo por todos lados.
Con este motivo chámase a todos os membros do equipo (sobretodo os que inda non botaron unha man ate o de agora en estes duros traballos) para unha QUEDADA este SÁBADO día 27 de AGOSTO, ás 16.00 HORAS, na casa de LITO do MOSTEIRO, para deixar a furgo como nova!
O luns seguinte xa temos vez en GRUPO IBER para rematar os traballos de rotulación co vinilo.

En outro orde de cousas... HAI QUE CONCRETAR OS PATROCINADORES PARA A FURGO canto antes, xa que todo o que se ten feito en ela está prácticamente pendente de estes ingresos para facer fronte os pagos.

Xa sabemos, este Sábado pola tarde nada de praia e todos a de LITO!

Se dá tempo tamén se realizará o soporte interior para a fixación das bicis, así que ide con gañas de traballar!

VOLTA A ESPAÑA 2011

2011-08-25T10:46:00.002+02:00

Estáse a organizar unha excursión de fin de semana, para membros do equipo, para ir a ver as tres etapas mais chulas da Volta a España de este ano. Estas serán as do Venres 2, Sábado 3 e Dominco 4 nos Ancares, Somiedo e Angliru respectivamente.
Para os que estemos de vacacións en estas datas (ou tamén para os que estén no parobrero) tamén nos acercaremos o Xoves a ver a etapa de Ponteareas - Pontevedra, e o mellor incluso Manzaneda, se vemos que tal, pero isto inda está no airo!
O que é seguro é sair na furgo do equipo o Venres día 2 (tería que ser mais ou menos cedo) para ir a ver o paso da etapa polo alto dos Ancares e logo tirar xa o Sábado e o Domingo para terras asturianas. A idea é levar un par de tendas de campaña e parar nun super a mercar algo pa comer e beber, e listo. Estaríamos de volta o Domingo pola tardiña/noite.
Os que se animen que avisen a Carlos o antes posible para ir concretando cousas!

11.08.12_III QUEDADA NOCTURNA FARO DE BUDIÑO

2011-08-10T10:54:00.002+02:00

O vindeiro VENRES día 12 de AGOSTO de 2011 unha vez mais o budiñobike-canteiros vai organizar a súa xa tradicional QUEDADA NOCTURNA.

Esta terá a súa saída ás 22.00 h. dende o CENTRO CULTURAL A FORNA e chegada no mesmo lugar arredor da 1.00 h. momento no que lle tomaremos uns chouriziños asados e unhas cervezas.

Non deixedes de asistir, e traer os vosos compañeiros.

Ah!, e algunha que outra linterna tamén estaría ben!

11.06.19_ANDAINA O FARO DE BUDIÑO

2011-06-15T14:06:00.002+02:00

O vindeiro DOMINGO día 19 de XUÑO de 2011, e coincidindo coa FESTA DO FARO organizada pola comunidade de montes de budiño, a sección de SENDEIRISMO da ASOCIACIÓN DEPORTIVA A FORNA organiza unha nova andaina aberta a todos os públicos.

Esta terá como lugar de saída o CENTRO CULTURAL A FORNA e chegada no FARO DE BUDIÑO, con un percorrido aproximado de uns 8 kms.

Estades todos convidados a asistir.

Ademais, e para rematar a mañá con un ambiente festivo no monte, unha vez cheguen os compañeiros do BUDIÑOBIKE-CANTEIROS da marcha de Tui, o equipo vai invitar os membros do clube, xunto coas suas mulleres e fillos, á comida.

Esperamos a asistencia de todos os compoñentes do clube.

MARCHAS XULLO

2011-06-14T10:59:00.002+02:00

Domingo 19 de Xuño _ IX MARCHA BTT ALOIA en Tui http://aavvlavandeira.blogspot.com

Domingo 26 de Xuño _ VI MARCHA CICLOSTURISTA MTB OS CHANS DA BARBANZA en Boiro www.ciclistaoschans.org
Domingo 26 de Xuño _ VII ROTA DA COCA en Monçao www.ccmoncao.org

Domingo 3 de Xullo _ RUTA ENTRE DÚAS RÍAS 2011 en Mugardos, Ferrol. www.clubdomarmugardos.com

Comingo 17 de Xullo _ IV RUTA DA AUGA en Betanzos, A Coruña www.desafiorutadelagua.blogspot.com
Domingo 17 Xullo _ VIII MARCHA MTB VILLA PUEBLA DE SANABRIA en Puebla de Sanabria www.puebladesanabria.org

NA SEGUINTE DIRECCIÓN www.mapagenda.com HAI UN CALENDARIO XENIAL, BOTÁDELLE UN OLLO.

XXI TRAVESÍA NACIONAL DE LA CORDILLERA CANTÁBRICA_ASTURCÓN

2011-05-18T11:03:00.003+02:00

A fin de semana do SÁBADO 10 e DOMINGO 11 de SETEMBRO vai ter lugar a XXI edición da popular TRAVESÍA NACIONAL DA CORDILLEIRA CANTÁBRICA, tamén coñecida popularmente como O ASTURCÓN. Este ano vai ter como sede o PARQUE NATURAL de SOMIEDO.
Na pasada edición catro compoñentes do equipo xa participaron en esta expléndida aventura, esperando que este ano sexan mais os que se animen a asistir á mesma.
A pesares de que as inscricións non se abren ata mediados de Xullo sería bo ir vendo cantos, e quenes teñen pensado ir para ir vendo de buscar aloxamento na zona, xa que se esperamos a última hora a cousa vai estar complicada.
Estamos en contacto e imos vendo.

Déixovos un par de enlaces para ir abrindo boca:

www.asturconbtt.com
www.somiedo.es

MARCHAS MAIO E XUÑO 2011

2011-05-05T12:04:00.002+02:00

Nova actualización bimensual das marchas que hai na nosa terra.
Hai un pequeno problema co servidor do calendario, non o deixa actualizar, así que mentras iráse subindo a información aquí directamente.
As marchas que hai por aquí cerca nos meses de MAIO e XUÑO do 2011 son as seguintes pois:

08 MAIO, domingo _ II RUTA DO MEXILÓN en VILAGARCÍA DE AROUSA. (35,8 km.)
www.moto-bazar.es

15 MAIO, domingo _ RUTA DO SALMÓN na ESTRADA (38 kms.)
www.bikestrada.com
15 MAIO, domingo _ II RUTA DOS GUIGURROS en O BARCO DE VALDEORRAS (40 kms.)

29 MAIO, domingo _ II MARCHA BICIOSA en TUI ( 40 kms.)
www.biciosos.es
29 MAIO, domingo _ IV MARCHA VAL DE MONTERREI en VERÍN (40-55 kms.)
www.bbtverin.es

05 XUÑO, domingo _ MEMORIAL MANUEL SANTOS en CANGAS ( 32 kms.)
www.memorialmanuelsantos.blogspot.com

12 XUÑO, domingo _ I DESAFÍO DO CANDÁN en LALÍN (100 kms.)
www.desafiodocandan.blogspot.com
12 XUÑO, domingo _ 6ª RUTA BTT A FERROLTERRA en FERROL (45 kms.)
www.clubciclistaferrol.es

18 XUÑO, sábado _ II RUTA RIO ULLA en TOURO
19 XUÑO, domingo_ II RUTA POLAS MONTAÑAS DE MONDOÑEDO

Estamos en contacto para ver a cales imos e quenes imos.

14-17 MAIO viaxe do equipo 2011

2011-05-05T11:28:00.003+02:00

Como xa estades informados, en quince días temos a viaxe do equipo. Este ano será na ponte das LETRAS GALEGAS, e o destino PUEBLA DE SANABRIA.
A saída cara terras zamoranas será o Sábado 14 de Maio pola mañá, ás 10.00 horas dende a de AMIL, e esperamos aterrar en Sanabria sobre a unha, despois de parar no camiño a tomar un café.
As tres rutas BTT programadas para este ano inclúen dúas saídas no entorno do PARQUE NATURAL dos LAGOS DE SANABRIA, incluso chegando ata a extrema con Galicia en PENA TREVINCA, e unha saída no entorno natural da SERRA DA CULEBRA chegando ata a extrema con PORTUGAL no PARQUE NATURAL de MONTESINHO.
Para o resto do tempo actividades cos acompañantes no entorno de Puebla de Sanabria, bela vila histórica con numerosos monumentos e puntos de interese etnográfico.
Podedes ir abrinco apetito botándolle un ollo o seguinte enlace:

www.turismosanabria.es

15 MAIO 2011, inauguración do ROTEIRO DOS MUIÑOS E DAS POZAS DE BUDIÑO

2011-05-05T11:17:00.003+02:00

Boas novas rapaces, o concello do Porriño ven de aceptar a financiación da sinalización do ROTEIRO DOS MUIÑOS E DAS POZAS de BUDIÑO, o primeiro permanente que se vai a crear na nosa parroquia.
A ruta de inauguración e posta en marcha do mesmo vaise levar a cabo o vindeioro DOMINGO día 15 de MAIO de 2011, con saída ás 9.30 da mañá do CENTRO CULTURAL A FORNA, onde ten o seu comezo esta ruta.
Esta semana e media que queda ata o evento vai tocar currar, xa que a pesares da financiación da sinalización por parte do concello non nos exime de concretar o seu deseño e levar a cabo a súa colocación. O do deseño xa está moi avanzado, e vaise rematar de concretar e encargar a realización dos postes e carteis necesarios este mesmo venres. Para a semana poremos un par de días, pola tarde-noite, para colocar estes elementos de sinalización unha vez que o desbroce e adecuación do percorrido esté realizado. Xa vos avisamos.
Os que non vaiades á viaxe do equipo pensade que vai tocar botar unha man o día 15, co cal ide presentando as solicitudes oportunas e realizando os trámites adecuados pa pedir o día na casa!

TRANSGALAICAS

2011-02-14T11:53:00.002+01:00

Simplemente facervos saber que un ano mais vaise celebrar na nosa terra a xa tradicional prova de competición de maratón en bici de montaña coñecida como a TRANSGALAICA.

Esta está composta por tres provas a celebrar entre os meses de Marzo (dia 13 en Pontevedra), Abril (dia 10 en Cotobade) e Maio (dia 1 en Crecente).

Sería bo que algúns compoñentes do equipo vos animárades a asistir a algunha de estas provas. Non fai falla participar nas 3, e tampouco ir a competir, simplemente tomalo como unha marcha mais, con un quilometraxe un chisco mais largo.

Estamos en contacto para ver quen se anima a asistir a algunha de estas provas.

Aquí vos deixo o enlace para que lle vaiades botando un ollo.

http://transgalaica.blogspot.com/2010/12/transgalaica-2011.html

RAID E ORIENTACIÓN

2011-02-14T11:35:00.003+01:00

Unha das anteriores noticias que se publicaron en este Blogue falaba de outras disciplinas deportivas relacionadas coa MONTAÑA e a NATUREZA. Deixáranse unha serie de enlaces para que puidésedes consultar de que se trataba e incluso se propuña a participación de algúns membros do noso equipo de BTT en algunha de estas provas.
Pois sinalarvos que este domingo pasado, 13 de Febreiro de 2011, Jose Estévez e eu, Carlos Amil, fumos participar en un TRAIL de MONTAÑA que se celebrou en MOAÑA.
Este era un TRAIL únicamente de CARREIRA DE MONTAÑA, ou sexa, a pé, sen combinarse con ningunha outra disciplina (hai trails que combinan carreira a pé con bici, orientación, kaiak, etc...) que se desputaba sobre unha distancia de 18 kms. Esta era a primeira prova de unha serie de elas que se engloban no circuito de competición GALICIA MAXICA TRAIL 2011, e a pesares de que gran parte de xente que asistiu ía a participar na competición, había outra grande parte que simplemente íamos a disfrutar das preciosas paraxes polas que discurría o circuito, ademais de descubrir esta nova disciplina para nós.
Como acabou a aventura? pois con maniotas (agujetas) en todas as pernas, pedindo vez para ir a Manolo de caldelas a arreglar un tobillo torcido no descenso, con caídas de ambos, jose subindo e carlos no descenso (estaban moi embarrados os carreiros pola choiva) pero con unha grande satisfacción enriba tras completar a totalidade do percorrido. E é que non contábamos con facelo todo xa que 11 kms de subida continuada, con zonas nas que non había mais remedio que ir andando (ou escalando) pola pendente pronunciada demais no terreo, e 7 kms mais de descenso lameado e cheo de raices, escaleiras, fortes pendentes e demais facían de este TRAIL unha odisea para nós os dous. De todos modos 1.54' pensamos que non estivo mal para ser a primeira experiencia contando que os primeiros rondaron a 1.20'.
Simplemente facervos saber que provar este tipo de experiencias cremos que merece a pena totalmente, así nada mais que invitar o resto do grupo a participar en algunha de elas.
Acaba de saír o calendario de outras provas similares en Galicia para o presente 2011. Este inclúe dende RAIDS DE AVENTURA (btt+kaiak+carreira a pé) a CARREIRAS DE ORIENTACIÓN ou provas de ORIENTACIÓN EN BTT. Aquí vos queda o enlace e estamos en contacto para asistir a algunha de elas.
http://webagaco.blogspot.com/2011/01/calendario-de-probas-2011.html

Outras actividades 2011

2011-01-17T16:42:00.002+01:00

E como non todo vai ser BTT nesta vida, aquí vos deixo un par de enlaces de cousas interesantes que van aparecendo.

Por un lado un evento que se vai a celebrar en Galicia este ano por primeira vez, o GALICIA MAXICA TRAIL, un circuito de carreiras de montaña, a pé, de distancia corta-media.
Mais información en www.galiciamaxicatrail.com

Por outro lado unha serie de probas que se soen celebrar en Galicia organizadas pola AGACO, Asociación Galega de Clubes de Orientación. Tamén son raids de montaña, pero que en este caso soen combinar tramos en BTT con carreira a pé e tramos de piragua.
Mais información en www.webagaco.blogspot.com

Botádelle un vistazo e se hai alguén interesado en facer algunha prova (non ten porque ser a nivel competitivo) xa falamos e podemos achegarnos a algunha durante este ano 2011.

Tamén se apode considerar abrir a sección da Asociación Deportiva A FORNA relativa a raids de Orientación se hai xente interesada en facer un grupo para opracticar esta disciplina deportiva.

Creación do Calendario de Marchas 2011

2011-01-17T16:36:00.002+01:00

E unha vez comenzado o ano, aquí tedes o CALENDARIO DE MARCHAS BTT 2011.

E para empezar forte dúas das marchas mais cercanas e importantes do calendario, o Domingo 16 de Xaneiro en As Neves, o XVIII CAMIÑO DO REQUESÓN, a partir das 9.30 horas.

Mais información na web do C.C. A LAMPREA, www.cclamprea.com

E quince días despois en Ponteareas, a MARCHA DAS ROSQUILLAS 2011.

Mais información no seguinte enlace, www.adcpicarana.com

Non deixes de acudir a estas dúas marchas para baixar os quiliños que colleches no nadal!

MAIOT DE MANGA LONGA

2010-11-18T15:54:00.007+01:00

Xa está listo finalmente o maiot de manga longa.

En breve faremos unha reunión para todos os membros do equipo xa que en ela ademais de repartir estas prendas imos a tratar o tema da ficha para o 2011.

Mentres tanto vánselle ir facilitando os maiots as persoas que vaian asistindo as marchas de comezo da tempada.

O prezo da unidade que se lle facilitará a cada socio vai a ser de 20€.

Ahí tedes tamén un par de imaxes para ver como quedou.

CAMISETAS DO EQUIPO

2010-11-18T14:02:00.008+01:00

A modo de sorpresa, e en agradecemento a aportación que cada un de vós fai para que a familia do budiñobike-canteiros siga crecendo, o clube pón o voso dispor, de maneira totalmente gratuíta, unha "camiseta de equipo".

Seguindo a mesma liña de deseño e publicidade que se marcou coa elaboración das pancartas que anuncian a marcha, hai camisetas en catro cores distintas. Estes son BRANCO, NEGRO, AMARELO CLARO E AMARELO ESCURO.

En todas elas aparecen o logo do equipo, o 2b dentro co círculo, o nome do clube, BUDIÑOBIKE, e a logo do noso patrocinador, CANTEIROS, todo elo colocado de maneira estratéxica para facer unha enriquecedora, á vez que elegante, composición.

Hai número limitados en cada cor para que non todos nos inclinemos pola mesma, co fin de potenciar a idea publicitaria.

Pódense coller segundas, terceiras e cuartas camisolas a un prezo único de 5€ cada unha.

Os que asistiron á viaxe do equipo xa teñen no seu poder esta prenda, mentres que os que faltades por collela podedes ir facéndoo nas marchas as que imos asistindo, xa que se procurarán levar en algún coche, ben sexa Jorge ou Carlos.

Se non simplemente poñéndovos en contacto con Carlos podedes pasar a recollela pola súa casa en calqueira momento.

Ahí van unha imaxes para ir facendo auga na boca!

INICIO DA TEMPADA 2010-2011

2010-09-06T17:27:00.003+02:00

Boas a todos!

E despois de unhas largas e merecidas vacacións vai sendo hora de volver coller a bici non?

Algúns membros do equipo xa nos deu a venada e nos achegamos a pasada fin de semana a Puebla de Lillo a facer a Travesía Nacional Transcantábrica. Foi algo que surxiu así de repente en unha conversa de barra de bar, pero a partir de esta semana tocará comezar a organizar a nova tempada.

E para comezar, antes do mércores, necesitamos saber quenes imos a ir este ano a viaxe do equipo para concretar presupostos e ter cifras e facer contas sobre a mesa o sábado en unha reunión xeral para tratar este tema. Sabendo xa que este ano imos ir a TARAMUNDI, do sábado día 9 de Outubro ó Martes día 12 aproveitando o festivo nacional, e que o equipo vai a pagar a metade da estancia dos compoñentes do equipo e das mulleres que botaron unha man o día da marcha, só nos queda pechar filas para deixar todo listo para partir cara terras asturianas o día 9.

E quizais a reunión xeral de inicio de tempada teña que esperar ó Sábado seguinte, día 18 de Setembro xa que algúns membros da directiva non van poder asistir a do día 11 por diversos motivos persoais. En esta segunda reunión trataremos o resto dos temas habituais nas reunións de inicio de tempada, Presuposto, Inversións anuais, Novas incorporacións ó grupo, Actividades previstas, etc.

E o mais importante, xa a partir de este Domingo día 12 de Setembro o grupo comenzará a sair os domingos pola mañá, ás 9.30 (puntuais), dende a de Amil, así que a animarse e que non falte ninguén.

Con vistas a asistir tamén ás primeiras marchas que se comezan a celebrar xa dende as primeiras fins de semana de Setembro xa tedes o calendario actualizado no enlace da esquerda.

Vémonos no monte!

Un saúdo a todos.

Prólogo e epílogo da marcha

2010-05-05T23:38:00.002+02:00

Para rematar estas reportaxes sobre a marcha deste ano, unhas fotos do antes e o despois. Primeiro unha pequena mostra do traballo que se levou preparando as pistas e trialeiras do percorrido da marcha, e como epílogo, as fotos da andaina que, algúns membros do equipo xunto con veciños e acompañantes, fixemos polo roteiro deste ano, que dito sea de paso está impresionante, e que lle recomendamos percorrer a todos os que non tiveron a sorte de facelo.

Videos da IX Marcha BTT Faro de Budiño

2010-05-04T23:50:00.004+02:00

Navegando un pouco polo Youtube atopamos todos estes vídeos da nosa marcha. Espero que vos gusten.

Fotos da IX Marcha de BTT Faro de Budiño e do roteiro

2010-04-15T23:49:00.007+02:00

Eiquí tedes algunhas das fotos da IX Marcha de BTT Faro de Budiño e do roteiro. Na web da Asociación Cultural A Forna, podedes ver máis fotos do BTT e do Roteiro.

GRAZAS POR TODO!

2010-04-12T10:59:00.005+02:00

Luns 12 Abril de 2010, o día despois!

Tralo rotundo éxito, dende o noso punto de vista, que supuxo a celebración da IX MARCHA BTT FARO DE BUDIÑO 2010, dende a directiva da Asociación Deportiva A Forna _ budiñobike-canteiros non nos queda mais que darvos as GRAZAS a todos os que aportastes o voso gran de area para que isto foso así.

Tanto ós participantes, que este ano asististes en maior número que nunca, pendentes aínda de facer o reconto final estimamos que moi preto dos 400 BTTEIROS e dos 100 SENDEIRISTAS; como ós patrocinadores, ben sexan os novos que se incorporaron este ano coma os que levan connosco varias edicións; como a toda a xente que colaborou cos membros do equipo na organización.

Grazas os membros dos equipos federados que nos soen acompañar todos os anos, C.C. Aragonta de Salceda, Biciosos de Tui, Picaraña de Ponteareas, Lamprea de Arbo, Bike ou non Vai de Cangas, Roteas 9.30, Rias Baixas, etc, etc coma os aficionados non federados que se achegaron a Budiño este día para desfrutar de un día de BTT polo monte.
Grazas, este ano por primeira vez, e esperemos que este agradecemento se repita moitos mais anos, ós aficionados ó Sendeirismo que nos acompañaron onte tamén; tanto ós grupos organizados, dígase Camiño Mamudo, como os veciños de Budiño e parroquias lindantes e acompañantes dos ciclistas que se achegaron a desfrutar connosco da ruta dos muiños e das pozas.

Grazas os novos patrocinadores de este ano como poden ser Electrogranxa, Esparta ou Frutas Salceda, como os que nos veñen apoiando anualmente:
O patrocinador principal do equipo CANTEIROS DO PORRIÑO REUNIDOS S.A.
Os que nos achegan as bebidas, Coca Cola, Agua Sana, Pascual, Bodegas Iglesias, Super Nevedoura e Dismaboc Vending.
Os que nos achegan o almorzo, Chocolates Antoxo, Eroski, Confitería Carlo, Panadería Salceda-Pedramoura, Panadería Erundina e Panadería Laura.
Os que fan posible o avituallamento, Leche Pascual, Frutas Serafín, Frutas Salceda, Euro Banan, con mención especial a Dismaboc Vending que nos axudan coa súa distribución.
Os que fan posible que fagamos o aperitivo, Frinova, Frigolouro-Coren e Restaurante El Volante-Don Gusto.
As tendas de deportes que nos achegan os agasallos a entregar os ciclistas, Biciocon, Anca, Deportes Marcial, Carballido Sport, Tramo Libre, Deportes González, Piñeiro Sport, etc.
Os que participaron na publicidade da marcha aportando as pancartas, Desbroces Luis C.B, Riebog, Dismaboc Vending e AC arquitectura.
Os que patrocinaron os dorsais, Electrogranxa, Esparta, Seat Sertea e AC arquitectura.

Grazas ó persoal da Asociación Cultural A Forna que nos botou unha man en todo, sobretodo nos avituallamentos e no servicio do almorzo e aperitivo.
Grazas ó resto de veciños que colaboraron en estas labores.
Grazas á xente que colaborou nos cortes.
Grazas ós compañeiros que nos perseguiron cos seus todo terreos toda a ruta.
Grazas á Comunidade de Montes de Budiño por prestar apoio co seu 4x4.
Grazas á xente da Fotografía e Video.
Grazas á xente que nos axudou nas Inscricións.
Grazas ós responsables das duchas e lavado de bicis.
Grazas á xente da Cafetería do Centro Cultural.
Grazas á Policía Local de O Porriño e o señor alcalde que nos axudaron nos cruces das estradas.
Grazas á patrulla da Garda Civil de Tráfico.
Grasas moitas ós voluntarios da Cruz Vermella que ademais de aportar persoal da ambulancia medicalizada trouxo este ano un todoterreo tamén.

E grazas e desculpas os que nos queden atrás, que seguro que algún sempre hai.

Desculpas a todos polos erros que teñamos tido nesta edición, parece imposible que saia todo perfecto a pesares de que non deixamos de intentalo. Fundamentalmente polos erros cometidos no roteiro debido á falta de experiencia. Prometemos facelo moito mellor para o ano que ven.

E soamentes esperamos que todo o traballo realizado teña merecido a pena se realmente desfrutastes das rutas organizadas e do día de festa que vivimos na parroquia!

Esperamos que todo fose do voso agrado, e contar coa vosa visita a BUDIÑO na vindeira edición a celebrar xa no 2011, e para a cal comezamos a traballar xa onte!

Unha aperta a todos.

Fotos da VIII Marcha BTT Faro de Budiño 2009

2009-04-28T11:10:00.006+02:00

Esta é unha parte das fotos que tomamos na marcha do pasado domingo, a outra parte podes velas na web da Asociación Cultural A Forna.

Presentación do equipo

2009-03-06T13:27:00.011+01:00

O pasado xoves 5 de marzo fixo a presentación en público o noso equipo, budiñobike-canteiros.

O acto de presentación, que se realizou no salón de actos da Asociación Cultural A Forna de Budiño, contou coa presenza de Raúl Francés, Alcalde do Porriño, Marcos Rodríguez, Concelleiro de Deportes, Mirian Martínez, concelleira da Parroquia de Budiño. Asistiron tamén Marcelino Martínez e Alfredo Pérez como representantes da empresa patrocinadora, Canteiros Reunidos do Porriño. O acto contou tamén coa presenza dos ciclistas do equipo e de representantes de asociacións da Parroquia e equipos ciclistas da comarca.

O Presidente do equipo, Carlos Amil, realizou un breve resumo do percorrido realizado ata a data para que o equipo chegase a este punto de partida, mostrou o agradecemento tanto ós patrocinadores do equipo pola colaboración e axuda desinteresada no nacemento do equipo así como aos representantes municipais polo apoio mostrado no pasado recente e mostrouse confiado na existencia dunha estreita colaboración de cara o futuro.

Posteriormente tomou a palabra o presidente de Canteiros Reunidos do Porriño, Marcelino Martínez, quen se mostrou satisfeito do nacemento deste novo club de ciclismo na Parroquia de Budiño e de colaborar tanto na súa creación como no seu funcionamento posterior. É importante que as empresas desta parroquia colaboren co bo funcionamento de deporte e da cultura que están a desenvolverse en Budiño, dixo Marcelino Martínez.

Pechou o acto Raúl Francés, quen se mostrou seguro do bo funcionamento do equipo, apostou en que o Concello mantería unha estreita colaboración co mesmo e confiou en que a ampliación das seccións deportivas da Asociación foran un feito a curto prazo. Aproveitou o acto para reclamar a inclusión de mulleres neste equipo como mostra do avance real da presenza da muller en tódalas actividades que se desenvolven no noso Concello.

Novo equipo BTT en Budiño

2009-02-09T18:47:00.003+01:00

budiñobike-canteiros

Co 2009 nace un novo equipo BTT na parroquia de Budiño.

A idea parte da Asociación Deportiva A Forna na que tódolos membros da Xunta Directiva son practicantes de bici na montaña. A celebración da VIII Marcha BTT Faro de Budiño acelerou o seu nacemento e funcionamento.

O equipo xa está legalmente constituído e conta na actualidade con 20 ciclistas que participan nas marchas BTT que están celebrándose dende principios de ano: XVI Marcha do Requesón (As Neves) e a XXV Marcha da Rosquilla (Ponteareas).

Se os proveedores de material deportivo o permiten, as previsións están calculadas para que a participación na XIV Marcha dos Callos, que se vai a celebrar o 15 de febreiro no Porriño, poida facerse a presentación oficial do equipo nun evento desta especialidade.

Nalgunha data próxima realizarase a presentación oficial en sociedade ante a prensa e autoridades políticas e deportivas do Porriño. Daremos conta puntual da celebración dese acto.

O porque deste nome deportivo? Quizás non hai moito que contar. Budiño é a parroquia, bicicletas é o que utilizamos para practicar este deporte e ...

Este equipo está aberto á entrada de máis deportistas? Si, pero hai que reunir algunhas condicións previas: Practicante da bicicleta de montaña, saír con certa regularidade ao monte co grupo, compromiso de permanencia no club, facerse socio da Asociación Deportiva A Forna, solicitar a entrada no equipo e cumplir certos compromisos económicos. A Xunta Directiva decidirá sobre a admisión final.